انگطع ضلعچ نعم بس خضر شموع
حرگت ليلهم وانگطعت انساب
شلون الدنيه ظلت وانتي تمشين
وشلون الزمن من غبتي ماغاب
ساتر الله لو عبّاس موجود
شلعهه الباب واللابد وره الباب
اعذريهه الصور مولاتي شتصير
اجت يم صور ضلعچ تعلن اعجاب
شتوصف ياشمس چفنهه الغروب
يادم ياضلع ينزفله محراب
شمس يدرون بيچ وتحرگ الليل
واجوچ الظهر الاحمر اولی الالباب
وفتحتي بكبريائچ دونما خوف
وهدت عاصفه من حدر الحجاب
وشهگ دمج ضوه وشگ صفنة الليل
وشمع ضلعچ تلاشه وذبتي من ذاب
بيچ اكتاب عفه وخفتي ينباگ
طحتي بروحچ وشگگتي الكتاب
وهد محسن طفل لا موطفل سيف
يهد بغيرته ويرده الصواب
محسن هيچ سوه شلون ابو تراب
إذا هد وعلي يگلبهم تراب
مثل ماصار بهلچ صار وياچ
ناب اليگصي بيهم بيچ الف ناب
لانچ بت محمد اترف الناس
نزف دمچ نده وراس الورد شاب
ولان بت عم علي بمحرابه طبروه
طبروا راس ضلعچ صار محراب
ولان ام الحسن لميتي الجروح
ودفنتي الجرح في تابوت سرداب
ولان ام الحسين السحگته الخيل
سحگوا ضلعچ وضلع الزمن عاب
ولان ام زينب وقرروا يسبوج
ودوهن سبايه العتبه والباب
ولان عباس بيچ وماتخافين
مره وبسيف ضلعچ طارت ارگاب
مره وبسيف ضلعچ طارت ارگاب
روح الإحساس والقلم 
