Follow us on Facebook Follow us on Twitter Instagram Watch us on YouTube
صفحة 1 من 2 12 الأخيرةالأخيرة
النتائج 1 إلى 15 من 23
  1. #1

    عضو متميز
    الصورة الرمزية هــــــــــادي
    تاريخ التسجيل
    Aug 2004
    الدولة
    الغربه
    العمر
    40
    المشاركات
    4,481

    افتراضي قصائد حسينيه خالده (شعر شعبي )


    اشهر القصائد الحسينيه لشعراء شعبيين
    من وسط وجنوب العراق كتبت على مدى
    مائتي عام بين 1820 و1970 وربما
    اقدم سانشرها للاستفاده والاطلاع على
    تراث الشعر الشعبي العراقي وكنوزه .


    وليدي شبيدي حال الأجل ما بينك وبيني
    باليمنه لك هزيت وباليسره ربيك

    وعيوني وحده فراش وبوحده أغطيك
    يغفني نسيم الهاب يابني اليمر بيك

    واتناسه سهم دنياي يابني من اصد ليك
    وليدي شبيدي حال الأجل مابينك وبيني

    من ظلوعي اسوي شموع لعرسك يا غالي

    واعلگها بالآمال تضوي الليالي
    واتخيلك تميت تشع يا هلالي

    وبالغاضريه نسيت كل ولد مالي
    وليدي شبيدي حال الأجل مابينك ويني

    اتوسد الدلال واتروى بالروح

    واسمك يانور العين بلسم للجروح
    لاتشح ياجسام من عيني وتروح

    وامست عليك الروح يامدلل تنوح
    وليدي شبيدي حال الأجل مابينك وبيني

    ياعذيبي يا رسرس يا شطبة البال

    يازهرة الآمال والغصن ريان
    يالصرت وتربيت وبحجري لحزان

    حزني عليك الدوح ياوليدي حزنان
    وليدي شبيدي حال الأجل مابينك وبيي

    مثل الجسم عالعين حارس وحاميك

    وإنت النظر للعين وعيني التجد بيك
    وتبرعت برباك وللموت اوديك

    شلون أمشي يابني اليوم وعالغبره أخليك
    شبيدي وليدي حال الأجل مابينك وبيني




    دير بالك دير بالك
    من تقربله الحشيش
    دير بالك لايعضك
    دير بالك لايرفسك
    تره اصله كديش
    دير بالك
    من تقربله الحشيش

  2. #2

    عضو متميز
    الصورة الرمزية هــــــــــادي
    تاريخ التسجيل
    Aug 2004
    الدولة
    الغربه
    العمر
    40
    المشاركات
    4,481

    افتراضي


    شرفك معبود السما الخالق عباده
    ياراعي القياده
    جبريل يشهد وإنت يا حيدر إستاده

    ياراعي القياده


    يا علي لوما وجودك الدين ماصار وتعمر
    إنت حيدر الموت الأحمر وإنت داحي باب خيبر
    إنت أول وإنت تالي للإسلام سور مرمر

    إنت الحسب

    وإنت النسب
    ليث العرب
    سيفك غضب
    گبتك ذهب
    والغير گبته مهدمه وعاريه

    ياعلي ورب البريه صورك للكون زينه
    ماعرف معناك غير الباري والهادي نبينه
    موش گصدي بيك أغالي ولا لعد فضلك أبينه
    ماني شارح

    الفضل واضح
    جالمصابيح
    واليكافح خله يا حيدر يجينه

    هذا الخبر عن النبي گال بلسانه

    ومايخفى بيانه
    بالكتب خل يطالع الراد إستناده

    ياراعي القياده

    يا علي ورب البريه لبسك ثوب الخلافه
    والغصب هالثوب منك بالحشر شنهو إعترافه
    وإحنه يا حيدر نعرفه الخانك ونعرف اوصافه

    يوم الشدد

    بالمنطرد
    لمن شرد
    خايف لبد
    وإنت الاسد
    صوتك رعد
    وإنت ذراعك عبر الحربيه

    خبر وارد عن محمد يوم گال لك يابو الحمله
    ماعرف معنى الإله خالق الكونين إلا
    آنه وياك النعرفه ياعلي من الكون كله

    إنت وانه

    نعرف شانه
    وسر بيانه
    معنوية حكمة الله

    معناي غير الله وغيرك ما يعرفه

    ولا واحد يوصفه
    بس الله وانه اللي نعرفك عالإراده

    ياراعي القياده


    ياعلي وبيك إلتزامي وهيبتي وهيبة الأمه
    من سبب ماشوف واحد مثلك وحتى آنه لزمه
    واليأخرك نغل مو حافظته أمه

    والأخرك

    ما قدمك
    شلون إعزلك
    عن منصبك
    وهو إلك
    لولاك هذا ما نحب طاريه

    بعد ما يحتاج نشرح هالخب مسند
    شلون يتكذب و وارد عن رسول الله محمد

    ما يجذبه إلا ذاك المابضي حبك ترشد

    ذكر ربه

    واليجذبه
    عمى الگلبه
    وعلي بدربه
    وعن طريج الحگ تبعد

    ماحصل الدارين كل من عاف دربك

    وما يهتدي بحبك
    خل يعبد شما عبد ما تفيده العباده

    ياراعي القياده




    دير بالك دير بالك
    من تقربله الحشيش
    دير بالك لايعضك
    دير بالك لايرفسك
    تره اصله كديش
    دير بالك
    من تقربله الحشيش

  3. #3

    عضو متميز
    الصورة الرمزية هــــــــــادي
    تاريخ التسجيل
    Aug 2004
    الدولة
    الغربه
    العمر
    40
    المشاركات
    4,481

    افتراضي


    ودع وطن طيبة حسين
    ولكربلا تعناهه
    حفت بالضعن عدنان

    وتعنت مناياهه

    يثرب حين ودعها

    وعنها الضعن راد يشيل
    سمعت هاشم بنيته

    ناوي على المسير بليل
    لفاه محمد يناديه

    ودمعه على خدوده يسيل

    ناوي بهالضعن لاوين

    ماخذ كل هلك يحسين
    لاتضعن يا نور العين

    يثرب ما تود فرگاك
    ليش تريد فرگاهه


    ليش بضعنك بهالليل

    طالع من وطن جدك
    يظلم من عگب عينك

    وهاشم تنذل من بعدك
    إنجان الگصد للكوفه

    إترك يا فحل گصدك

    لا تضعن لواديها

    تخونك بس تصل ليها
    ياخويه نسيت أهاليها

    وخوك شسوت وعوده
    تدري بكل فجاياها

    لمن سمع حجيه حسين

    ون وصفگ إيد بإيد
    يگله عداي يردوني

    ابايعهم وطيع يزيد
    واگضي العمر بالذله

    يخويه لهالعمر ماريد

    خليني ارشد بنيتي

    وآخذ كل أهل بيتي
    بالعز رايد منيتي

    عليل الدين يامحمد
    ودمي لعلته دواهه

    هيهات أصبر على الظيم

    وعليه تغمض عيوني
    لن صوت العليله تصيح

    ياهل الضعن تانوني
    صاح ارشد ياحادي وسير

    وتجدم على ضعوني

    ياهلي وياكم إخذوني

    عگبكم تعمى عيوني
    وحدي لا تخلوني

    فرگاكم هدم حيلي
    وروحي المرض اسلاهه


    ياويلي من سمعها حسين

    رد من الضعن ليها
    گعد يمها يصبرها

    على فرگاه ويسليها
    يگلها يا ضوه عيوني

    دمعتج لا تهليها

    يابويه للوطن ردي

    وخليني ارشد بگصدي
    ونتج ذوبت جبدي

    تراني من اسمع ونينج
    روحي تزود بلواها


    تگله شلون اتم وحدي

    ولاعرف وين منواكم
    عگبكم من يصبرني

    ويسليني على فرگاكم
    يابويه وياكم إخذوني

    أموتن واحتيي وياكم
    مني ليش تتعذر

    وآنه على البعد ماگدر
    ضعنكم ناحر بهالبر

    ولا أدري رگايبكم
    وين يصير منواهه

    جاوبها عليله إنتي

    يابويه وخطر مسرانه
    وخاف من التعب ياذيج

    لو خذناج ويانه
    كلنا هنا وبعد ايام

    اودي لج الريحانه

    يجيبج والشمل يلتم

    گلبج لا يظل يهتم
    گلبي عليج يتألم

    لو شفتج بهالحاله
    روحي الحزن يسلاهه

    تگله كلكم تغيبون

    وابگه بهالوطن وحدي
    مالي حيل فرگاكم

    وذاب من الحزن جبدي
    يابويه عاد خليلي

    عبدالله الطفل عندي

    بلجن يرد وحشتكم

    يسليني على فرگتكم
    خاف تطول غيبتكم

    خاف دمعتي تجري
    ولا ينگطع مجراها

    گلها شلون عبدالله

    نمشي وعندج نخليه
    عليه أمه شيصبرها

    وتصعب فرگة أمه عليه
    خويه حرمله ظالم

    لخوج بكربله يتانيه

    صايغ له لخيج طوگ

    لبسه بس عليه يلوگ
    جنه عاشگ ومعشوگ

    يطوّگ رگبته بنبله
    تظل للحشر وياهه

    كون من الدليل تشوف

    أخيج سابح بدمه
    وسدر بيه للمخيم

    ومني تاخذه أمه
    نوبه تشم وجناته

    ونوبه بمنحره تشمه

    وساعة تخمش بخدها

    ولا يبگه عگل عدها
    بويه الله يساعدها







    دير بالك دير بالك
    من تقربله الحشيش
    دير بالك لايعضك
    دير بالك لايرفسك
    تره اصله كديش
    دير بالك
    من تقربله الحشيش

  4. #4

    عضو متميز
    الصورة الرمزية هــــــــــادي
    تاريخ التسجيل
    Aug 2004
    الدولة
    الغربه
    العمر
    40
    المشاركات
    4,481

    افتراضي



    طشتين ومصيبتهن ثجيله
    سهمين ورمن گلب العقيله
    مكسورة دهرها

    وحتارت بأمرها
    طشتين ومصيبتهن ثجيله

    مثل گلب الحره زينب صابن السهمين عيني
    ومن جمر نار المصيبة وبالنفس يصعد حنيني
    جني بزينب تنادي يالمحب ون بونيني

    بصحف النوايب گلبت

    بمصاب زينب طالعت
    سهمين بالعين انصبت

    واضرب اليسره بيميني

    زينب بالدهر شاهدت طشتين

    وماعزة عليهن دمعة العين
    تتوجه بصبرها

    واحتارت بأمرها
    طشتين ومصيبتهن ثجيله


    إنصبت بالدلال حربه مثل حربة گلب زينب
    نار طشتين بگلبها ومن سنان الحزن عطب
    تشگف سهام المصيبه ونايبات الدهر تنصب

    عطشان أخوها وينذبح شما تهمل العين وتشح
    بالدمع متبلسم جرح ولا تبرد جبد يلهب

    زينب بالصبر ضمدت جرحين

    وبفيض الدمع خمدت نارين
    من دهر الكسرها

    وحتارت بأمرها
    طشتين ومصيبتهن ثجيله

    من مضت شفرات سم الحسن وتگص بدليله
    طاح بحجور المنايه منصرع وانهدم حيله
    يجود ويعالج بروحه مسهر وماتنام عينه

    الله الله شجرى

    بحالة ودايع حيره
    لحسين وجّه ناظره

    والدمع فجر مسيله

    وتسلم مراسيم الإمامه

    من الحسن وانجمعت عمامه
    وتوادع ذخرها

    وحتارت بأمرها
    طشتين ومصيبتهن ثجيله


    شلون حاله البيها زينب صارت بيوم الموادع
    للحسن گصدت تودعه وشافته بحالهة منازع
    هالله هالله شهالمصيبه مصاب من مصاب أفجع

    مطروح أخوها شافته والسم تملك جبدته
    وبالطشت يقدف مهجته وشاهدت گلبه المگطع

    وطشت اللي خفوه عنها الميامين

    زينب شافته والجبد نصين
    صوبها بنظرها

    وحتارت بأمرها

    إنحنت يمه شلون حنيه ظلوع خوتهم حنتها
    خويه هاي أمك الزهره بعين فاجعتك شفتها
    تواصل جروح اللبجبدك وانه بدمعي خيطتها

    هاي أمك الزهره التحن يمك ولمصابك تون
    وستارثت منها الحزن وبالنايبات شاركتها

    إختك وأمك الزهره ترى وياك

    .تتگلب على وسادة مناياك
    وكسرت لك ظهرها

    وحتارت بأمرها
    طشتين ومصيبتهن ثجيله

    هذا أول طشت سحبت روح زينب ساحباته
    وبعد ثاني طشت صك عيونها بسهم الشماته
    بالطشت راس الحسين وعالفواطم نايباته

    والخيزرانه بشفته تلعب وأدمت وجنته
    وشحال گلب الشافته والدهر هذي صفاته

    ويزيد على عرش الجاهليه

    والسجاد بحضان المنيه
    وعياله بخطرها

    وحتارت بأمرها
    طشتين ومصيبتهن ثجيله

    آه يا زينب وگوس العلگمي سهمه رماها
    وطاحن جفوف الكفاله وطاح عالشاطي لواها
    وسهم التفرس بعينه صكها بالعين وعماها

    وهذا العلى زينب سدر من عگب محزوز النحر
    ما انصف وياها الدهر هدم مبناها وسباها

    زينب حييت آثار النبوه

    زينب مثلت روح الأخوه
    من وافت يسرها

    وحتارت بأمرها
    طشتين ومصيبتهن ثجيله








    دير بالك دير بالك
    من تقربله الحشيش
    دير بالك لايعضك
    دير بالك لايرفسك
    تره اصله كديش
    دير بالك
    من تقربله الحشيش

  5. #5

    عضو متميز
    الصورة الرمزية هــــــــــادي
    تاريخ التسجيل
    Aug 2004
    الدولة
    الغربه
    العمر
    40
    المشاركات
    4,481

    افتراضي



    بعيوني يحسين أحفظ وصاياك
    واستهون الموت يابن أمي وياك
    لليسر تمشي العايله والتزم بيها
    وجمر المصيبه بگلبي لهيبه

    طول ياليل الموادع وآيه لموادع وناره
    باجر بلا خيم نمشي آنه وعيالك حياره
    گوم ردنه لوطن جدنه يابن ابويه وسولي جاره

    إشتعتقد حين التنصرع وحبل الوصل من ينگطع
    الگوم عگبك تمتنع وماتشن عالخدر غاره

    لو شنـّت الگوم عالخدر غاره

    من الخدر فرّت التلتهب ناره
    ولو تطفي ناره بدمعتي جنت اطفيها
    وجمر المصيبة بگلبي لهيبه

    باجر تمسّـين ياختي بلا خيم وبلا گرايب
    وجن اشوفج يالعقيله وحدج بين النوايب
    لا تعتبيني يزينب وإنت مثلج ما تعاتب

    مكتوب مكتوب الأمر

    والتزمي يختي بالصبر
    تمشين بدروب اليسر

    بالهضم وبگلب ذايب

    بلا خيمه تبگين وبلا گرايب

    وباجر تمسين بين المصايب
    وظلت يتامه للوطن من يرد بيها
    وجمر المصيبه بگلبي رهيبه

    ارد اوجه لك سؤال معاذب الروح ويهمها
    خويه لو حرگوا خيمنه العايله بيا خيمه المها؟؟؟
    وگلـّي يالدللت زينب لو طحت من يلتزمها

    وشلون تگطع هالدرب بيا حال مابين الغرب
    تمشي ومدامعها تصب نايبه ويذهل علمها

    ولو گالت الناس وين الهواشم

    جاوبت عباس عالنهر نايم
    وعيالك تمشي ميسره ومسلبيها
    وجمر المصيبه بگلبي لهيبه


    من الزغر يحسين أدري بكربلا وليلة العاشر
    وجامنه بگلبي المصيبه وعايشه بكسرة الخاطر
    ودعت هالليله خدري وينسلب يابن أمي باجر

    خدري اليظل بلا زلم

    فرصه العدا عليه تغتنم
    ينسلب خويه وينهدم

    ودم يصب دمع النواظر

    وعندي لك يحسين من أمك وصيه

    حين التحطون بالغاضريه
    من نحره شميه و وصيتي نفذيها
    وجمر المصيبه بگلبي لهيبه

    آنه يابن أمي الكفيله وكون مامون بوجودي
    روح أوفي إنت بعهودك وانه أوفيك بعهودي
    بعيني أباريلك اطفالك عگبك وابذل جهودي

    لو حرگوا علينه الطنب وعنها اليحاميها إنحجب
    من النار فرّت والسلب ودمعتي بطارف خدودي

    من عيوني يحسين صبّت دموعي

    ونيران الفراگ حرگت ضلوعي
    والروح عاذبها الدهر واشتد عليها
    بجمر المصيبه بگلبي لهيبه

    عندي لك يحسين أمانه من أمك واحفظ وصيه
    وخبرتني الزهره تحضر باجر لأرض الغاضريه
    عليك مكتوبه الشهاده واليسر مكتوب اليه

    يحسين منك أيّست ولليسر آنه تهيئت
    يابن أمي ودموعي تكت ياعزيز الله ونبيه

    يابن أمي يحسين لو حضر جدك

    من انظر عليه يخضب بدمك
    وخيول أميه جثتك داست عليها
    بجمر المصيبه بگلبي لهيبه


    وبالصبر سليت روحي والصبر روحي ما تحملها
    خل تصب دموع عيني وعيني لا ينشف جفنها
    خل تون روحي لمصابك خل غذاها يصير ونها

    ومن اگطع دروب اليسر ويهلي جثثكم من أمر
    واتسلى بدموع الصبر وروحي تتسلى بحزنها

    من أمر يحسين وانظر جثثكم

    عالغبره والنار حرگت خيمكم
    شتسوي ختكم يخوتي وشيطح بيديها
    وجمر المصيبه بگلبي لهيبه



    دير بالك دير بالك
    من تقربله الحشيش
    دير بالك لايعضك
    دير بالك لايرفسك
    تره اصله كديش
    دير بالك
    من تقربله الحشيش

  6. #6

    عضو متميز
    الصورة الرمزية هــــــــــادي
    تاريخ التسجيل
    Aug 2004
    الدولة
    الغربه
    العمر
    40
    المشاركات
    4,481

    افتراضي



    يحجي الگلب واحجيله
    ليلة وداع الليله
    يحسين شتوصيني

    سهم الفراگ بعيني
    ليلة وداع الليله


    بت فاطمة بخيمتها

    من حسبة تشيل حسبه
    للحاله تتمثلها
    وتكفكف براحتها

    بدموعها المنسجبه
    وتصبّر بمنهجها
    أدركها نور إخوتها

    من حسرة الملتهبه
    واليها والكافلها
    صاحت هلا بهالجيه

    وانه أعلم بهالنيه
    من نشئتي وتكويني

    سهم الفراگ بعيني
    ليلة وداع الليله


    صد الحسين لزينب

    ويناشد المحجوبه
    شوصّوج أهلنه بيّه
    وصّوني كون أتأهب

    أنسج لخدرج ثوبه
    يالبخدر مجسيه
    خل نگعد ونتحاسب

    شمطلوب وشمطلوبه
    ونتغنم بصافيه

    صاحت حسابي جمعته

    وعلى إخوتي قسّمته
    صفـّينه ومصفـّّـيني

    سهم الفراگ بعيني
    ليلة وداع الليله

    صدت لبن والدها

    وما غيّرت بشرتها
    وتگله هونك هونك
    عيالك گلب ما عدها

    وتغيّرت حالتها
    بهيده إحجي لا يسمعونك
    فراگك تره يضهدها

    وخل تغتنم راحتها
    وانه عرفت مضمونك

    وآنه الألِم عيالك

    عگبك وربّي اطفالك
    شعندك بعد وصّيني

    سهم الفراگ بعيني
    ليلة وداع الليله

    ماني إختك وعد عينك

    هالحال من يتغير
    لعيالك أفدي وجودي
    لوحال بيني وبينك

    أمر العلينه مگدر
    ماگصر بمجهودي
    والتزم عروة دينك

    ومشي بوصية حيدر
    مگصودك ومگصودي

    گلبي التغنم صبره

    من در ثدايه الزهره
    وبحبك مغذيني

    سهم الفراگ بعيني
    ليلة وداع الليله

    الله لمن صدّت للحارس المايخمل

    صار الحجي من المدمع
    گلوب المحنّه إنفجعت

    صار العتب يتناگل
    واعتب الكفاله المطلع
    وإيد الوداع إنمدت

    والهم ثگل ما ين?گل... وگلب الحسين تگطع

    ويصيح أخوج شبيده

    عتبج صعب ويجيده
    وانه اصبر وعاتبيني

    سهم الفراگ بعيني
    ليلة وداع الليله

    يابن أمي هاي الساعه

    ساعة وداع وخطره
    ورمي النوايب بيها
    وبمهجتي لذاعه

    من المفارگ جمره
    بالعتب خل نطفيها
    وعيالك المرتاعه

    وأمرك وأمري وأمره
    للباري مودعيها

    جني أشوفك ظامي

    تنذبح نحرك دامي
    وذبّاحك اليسبيني

    وسهم الفراگ بعيني
    ليلة وداع الليله


    حبل اليسر هاوينه
    ناظر دليلي يشوفه
    وعيالك مجتفيها
    وجن الدهر سابينه

    طبّت سبايه الكوفه
    وجتـّالك يباريها
    وبالعلگومي مرّينه

    حامي الضعينه جفوفه
    عالمشرعه مگطعيها

    روح أوفي ذمة عهدك

    واحفظ رسالة جدك
    مابينك ومابيني

    سهم الفراگ بعيني
    ليلة وداع الليله



    دير بالك دير بالك
    من تقربله الحشيش
    دير بالك لايعضك
    دير بالك لايرفسك
    تره اصله كديش
    دير بالك
    من تقربله الحشيش

  7. #7


    شاعر مميز
    الصورة الرمزية Ali Hassan
    تاريخ التسجيل
    Aug 2007
    الدولة
    الدنمارك
    المشاركات
    1,125

    افتراضي


    احسنت اخي العزيز هادي
    جزاك الله تعالى خيرا على هذه الجهود الطيبه
    وعلى هذا الطرح الرائع
    سلمت يداك ودمت برعاية الباري وتسديده
    اللهم عجل لوليك الفرج
    السلام عليك ياامير المؤمنين وعلى ابنائك الغر الميامين


    خالص تحياتي

    علي البهادلي ابو مرتضى

  8. #8


    شاعرة مُتميزة
    الصورة الرمزية ذكرى
    تاريخ التسجيل
    Mar 2006
    الدولة
    سفينة ال محمد
    المشاركات
    5,161

    افتراضي


    هـــــــــــادي

    أنت متميز بكل شئ
    في موضوعاتك الرائعة
    ونقل الشعر المخزون
    في ذاكرة الزمن

    الف شكر لك
    التعديل الأخير تم بواسطة ذكرى ; 29-06-2008 الساعة 01:26 AM

    سأنتظرك حتى وان
    ساخت بي الأرض

  9. #9


    مُميزة مُسابقة المُجتبى
    الصورة الرمزية أيمان
    تاريخ التسجيل
    Jan 2006
    الدولة
    حب القلوب
    المشاركات
    6,207

    افتراضي


    هادي
    موضوع متميز
    الله يعطيك العافية

    على حافة الجرح
    كأننا التقينا
    وإنتهينا الى بدايتنا .....غريبين




  10. #10

    عضو متميز
    الصورة الرمزية هــــــــــادي
    تاريخ التسجيل
    Aug 2004
    الدولة
    الغربه
    العمر
    40
    المشاركات
    4,481

    افتراضي


    اقتباس المشاركة الأصلية كتبت بواسطة Ali Hassan مشاهدة المشاركة
    احسنت اخي العزيز هادي
    جزاك الله تعالى خيرا على هذه الجهود الطيبه
    وعلى هذا الطرح الرائع
    سلمت يداك ودمت برعاية الباري وتسديده
    اخي العزيز ابو مرتضى
    تواجد عطر ورد كريم
    شكرا بحجم قلبك دمت لي اخا
    عزيزا .

    دير بالك دير بالك
    من تقربله الحشيش
    دير بالك لايعضك
    دير بالك لايرفسك
    تره اصله كديش
    دير بالك
    من تقربله الحشيش

  11. #11

    عضو متميز
    الصورة الرمزية هــــــــــادي
    تاريخ التسجيل
    Aug 2004
    الدولة
    الغربه
    العمر
    40
    المشاركات
    4,481

    افتراضي


    اقتباس المشاركة الأصلية كتبت بواسطة ذكرى مشاهدة المشاركة
    هـــــــــــادي


    أنت متميز بكل شئ
    في موضوعاتك الرائعة
    ونقل الشعر المخزون
    في ذاكرة الزمن

    الف شكر لك

    الفاضله ذكرى

    التمييز والابداع
    تواجدك الكريم
    بين بسيط حروفي
    تلال من الشكر
    كوني بخير .

    دير بالك دير بالك
    من تقربله الحشيش
    دير بالك لايعضك
    دير بالك لايرفسك
    تره اصله كديش
    دير بالك
    من تقربله الحشيش

  12. #12

    عضو متميز
    الصورة الرمزية هــــــــــادي
    تاريخ التسجيل
    Aug 2004
    الدولة
    الغربه
    العمر
    40
    المشاركات
    4,481

    افتراضي


    اقتباس المشاركة الأصلية كتبت بواسطة أيمان مشاهدة المشاركة
    هادي
    موضوع متميز
    الله يعطيك العافية

    ايمان

    شكرا لحروفك الطيبه
    وتواجدك المميز
    عافاك الله ورزقك رضاه
    وشفاعة محمد وال محمد
    صلوات الله عليه وعليهم

    دير بالك دير بالك
    من تقربله الحشيش
    دير بالك لايعضك
    دير بالك لايرفسك
    تره اصله كديش
    دير بالك
    من تقربله الحشيش

  13. #13

    عضو متميز
    الصورة الرمزية هــــــــــادي
    تاريخ التسجيل
    Aug 2004
    الدولة
    الغربه
    العمر
    40
    المشاركات
    4,481

    افتراضي


    زينب تنادي .... وتسجب لعبره والحزن جاسيها
    أوجبت زينب على التل تنادي..... وين الضياغم
    رجـّت بحنها والنحيب الوادي ..... والدمع ساجم
    وين التحامي مخدرات الهادي..... وين الهواشم
    زينب تنادي.... وين إخوتي المايندرس ماضيها
    شما حشـّمت ماواحد من إخوتها مسرع لفاها
    عونج يلبـّيها ويرد لهفتها....... ويبطل بجاها
    للمعركه تعنت تهل دمعتها..... ومعلن نداها

    زينب تنادي...... ومنين إجتنه كربله و واديها

    -----

    حنـّت وشبجت على الراس العشره .... بوسط المعاره
    وتجلـّب جسوم الخذم عالغبره...... ودمها يتجاره
    وتنادي وينك ياعزيز الزهره..... ماتم لي جاره

    زينب تنادي.... يحسين دگعد لختك وحاجيها

    من شاهدت جسم الحسين موذّر..... وذرة وذره
    بحد الصوارم وبدماه معفـّر...... مهجة الزهره
    وصدره بحوافر خيل أميه مكسـّر.... صاحت بعبره

    زينب تنادي...... يحسين ليش بجثتك موذريها

    طاحت على جسمه وتحبه بنحره...... وگطعت الظنه
    شاهدت دم طبره يصك بطبره......وأيـّست منه
    ودعتك الله يا جتيل العبره...... صاحت بونه

    زينب تنادي....... يحسين عيني من البجه لعميها

    تنادي يخويه وبالترب تتوارى...... بيك إفجعوني
    ياريع گلبي ويا نمير أثماره..... ياضوه عيوني
    بديرة غرب وبهالحرم محتاره.... لا تخلوني

    زينب تنادي..... ماتنتهض لعيالك تحاميها

    بالليالي عيون هاشم جي تنام
    والمنازل نشرت سود الأعلام
    لو عماها السهر أبدا ما تنام
    والحزن كل جيل زاد بجيلها

    جيل عن جيل الحزن عدهم يزيد
    لا يملون ومسوا يصبح جديد
    ما يطيب الجرح نوح ولا يثيد
    لو دموع العين دم تسيلها
    التعديل الأخير تم بواسطة هــــــــــادي ; 04-07-2008 الساعة 06:05 PM

    دير بالك دير بالك
    من تقربله الحشيش
    دير بالك لايعضك
    دير بالك لايرفسك
    تره اصله كديش
    دير بالك
    من تقربله الحشيش

  14. #14

    عضو متميز
    الصورة الرمزية هــــــــــادي
    تاريخ التسجيل
    Aug 2004
    الدولة
    الغربه
    العمر
    40
    المشاركات
    4,481

    افتراضي


    رايتك يا راعيها.... راعيها
    حيدر ذخرها لكربله... وتروّع الكون وهله
    سر إسم الأعظم بيها...... راعيها


    طلعت الماتهاب الخطر..... من الخدر مسروره.... وفرحانه
    شافت لعد هاشم گمر...... مثـّل علي بكل صوره .....عنوانه
    وبذروة الرايه سفر.... للفلك يسطع نوره..... بإيمانه

    صاحت هلا ومية هله..... بحزامك السيف يحله
    يالماضيات علومك.... من يومك

    يالمثـّلت عقد الوله.... بحماك هاي العايله
    ماغيرك اليحميها....... راعيها
    عباس رادك والدك..... تنطي الحرب مرسومه...... بعلومه
    بالغاضريه يشاهدك.... يومك يمثل يومه..... بعلومه
    شد على الصارم ساعدك.... وتجنه عالملزومه.... بعلومه

    عباس هذي ساعتك.... والعودك أوفي ذمتك
    والجهد يوفي الذمه.... بالهمه

    للدين جود بنصرتك... واخبط الحومه برايتك
    ولحسين إخذ صافيها...... راعيها

    صد يا حليف الغانمه..... لمخيمك وعياله..... بيا حاله
    إنظر ودايع فاطمه .... من العطش واهواله..... بياحاله
    وطفل الحمل جمر الظمه...... ويلوع بدلاله..... بياحاله

    والمرضعات اللايعه.... من العطش متلوعه
    سوي الحرمكم جاره...... من ناره

    ورايتك بالله مودعه... وگوم التگف عالمشرعه
    طي السجل تطويها..... راعيها

    صد الوديعة حيدره.... نادى يازينب هودي..... بوجودي
    سموني سبع الگنطره.... والغانمات شهودي..... بوجودي
    كوني برغد يامخدره..... دونج لذب مجهودي.... بوجودي

    لاتهمين لغربتج .... كفي يازينب دمعتج
    هاج إخذي ماي عيوني..... يا عيوني

    بالماي ردي لخيمتج.... من مهجتي ومن مهجتج
    لعيال أخوج أسجيها.....راعيها

    نادت يابن عودي علي..... ماگصرت ويايه..... بمسرايه
    فصم جعود السمهري.... وهز بيمينه الرايه.... عالسايه
    ناداها يختي إتدللي... هاج الفرات ومايه.... بالآيه

    تدرين يختي بصارمي......جيش اليگف عالعلگمي
    يخبط الماي بدمه..... ويزمه

    ادري ياخويه بصارمك.... وراية الدين تحشمك
    ولو حشمتك حييها.... راعيها

    دير بالك دير بالك
    من تقربله الحشيش
    دير بالك لايعضك
    دير بالك لايرفسك
    تره اصله كديش
    دير بالك
    من تقربله الحشيش

  15. #15


    شاعر مميز
    الصورة الرمزية كريم فليح
    تاريخ التسجيل
    Jun 2008
    الدولة
    العــراق / محافظة البصره
    المشاركات
    978
    مقالات المدونة
    1

    افتراضي


    اقتباس المشاركة الأصلية كتبت بواسطة هــــــــــادي مشاهدة المشاركة
    رايتك يا راعيها.... راعيها
    حيدر ذخرها لكربله... وتروّع الكون وهله
    سر إسم الأعظم بيها...... راعيها


    طلعت الماتهاب الخطر..... من الخدر مسروره.... وفرحانه
    شافت لعد هاشم گمر...... مثـّل علي بكل صوره .....عنوانه
    وبذروة الرايه سفر.... للفلك يسطع نوره..... بإيمانه

    صاحت هلا ومية هله..... بحزامك السيف يحله
    يالماضيات علومك.... من يومك

    يالمثـّلت عقد الوله.... بحماك هاي العايله
    ماغيرك اليحميها....... راعيها
    عباس رادك والدك..... تنطي الحرب مرسومه...... بعلومه
    بالغاضريه يشاهدك.... يومك يمثل يومه..... بعلومه
    شد على الصارم ساعدك.... وتجنه عالملزومه.... بعلومه

    عباس هذي ساعتك.... والعودك أوفي ذمتك
    والجهد يوفي الذمه.... بالهمه

    للدين جود بنصرتك... واخبط الحومه برايتك
    ولحسين إخذ صافيها...... راعيها

    صد يا حليف الغانمه..... لمخيمك وعياله..... بيا حاله
    إنظر ودايع فاطمه .... من العطش واهواله..... بياحاله
    وطفل الحمل جمر الظمه...... ويلوع بدلاله..... بياحاله

    والمرضعات اللايعه.... من العطش متلوعه
    سوي الحرمكم جاره...... من ناره

    ورايتك بالله مودعه... وگوم التگف عالمشرعه
    طي السجل تطويها..... راعيها

    صد الوديعة حيدره.... نادى يازينب هودي..... بوجودي
    سموني سبع الگنطره.... والغانمات شهودي..... بوجودي
    كوني برغد يامخدره..... دونج لذب مجهودي.... بوجودي

    لاتهمين لغربتج .... كفي يازينب دمعتج
    هاج إخذي ماي عيوني..... يا عيوني

    بالماي ردي لخيمتج.... من مهجتي ومن مهجتج
    لعيال أخوج أسجيها.....راعيها

    نادت يابن عودي علي..... ماگصرت ويايه..... بمسرايه
    فصم جعود السمهري.... وهز بيمينه الرايه.... عالسايه
    ناداها يختي إتدللي... هاج الفرات ومايه.... بالآيه

    تدرين يختي بصارمي......جيش اليگف عالعلگمي
    يخبط الماي بدمه..... ويزمه

    ادري ياخويه بصارمك.... وراية الدين تحشمك
    ولو حشمتك حييها.... راعيها
    &&&&&&&&&&&&&&&&&&&&&&&&&&&&&&&&&&&&

    بســـــــــــــــــــم الله الرحمن الرحيــــــــــــــــــــ ــــم

    الأخ العـزيـز والأستـاذ هــــادي المحتــــــــــرم
    حقيقــه أختيـار موفــق ونقــل رائــــــــــــــــــــع
    وأذا تسمح لي بأن أستنسخ هذه القصـــــائـــــد
    لأحتفظ فيها وألـف .. ألـف شكر لكَ صديقــي.
    تحياتي ودعائي لـكَ بالتوفيـــــــق


صفحة 1 من 2 12 الأخيرةالأخيرة

المواضيع المتشابهه

  1. مجموعة قصائد حسينيه
    بواسطة العراقي في المنتدى منبر الشعر والأدب
    مشاركات: 0
    آخر مشاركة: 25-07-2007, 01:52 AM
  2. مجموعة قصائد حسينيه
    بواسطة العراقي في المنتدى منبر الحوار العقائدي
    مشاركات: 0
    آخر مشاركة: 25-07-2007, 01:52 AM
  3. قصائد خالده في اهل البيت
    بواسطة هــــــــــادي في المنتدى منبر الشعر والأدب
    مشاركات: 4
    آخر مشاركة: 20-03-2005, 04:00 PM
  4. محطات خالده في حياة السبط المجتبى((ع))*****
    بواسطة نور على نور في المنتدى منبر الثقلين [ كتاب الله والعترة الطاهرة عليهم السلام ]
    مشاركات: 1
    آخر مشاركة: 30-03-2004, 01:13 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 06:59 AM
Powered by vBulletin® Version 4.2.0
Copyright © 2014 vBulletin Solutions, Inc. All rights reserved.