Follow us on Facebook Follow us on Twitter Instagram Watch us on YouTube
النتائج 1 إلى 2 من 2

الموضوع: شيخ ياسين

  1. #1

    عضو نشيط

    تاريخ التسجيل
    Dec 2006
    الدولة
    U.S.A
    المشاركات
    158

    افتراضي شيخ ياسين



    دوّت صرخـتك بالبين ... حي ما متت يا ياسين

    ابيحسين بضمايرنه ... عايش بيها بالجنه
    خالد وبخلـود حسين ... حي ما متت يا ياسين
    (1)
    اليموت ايموت ذﭽـره وياه ولا نسمع بعد ذﭽـره
    يغــــيب ابساع عـن العـين مـثل ليله البلا ﮔـمره
    مصير الناس هذا ايكون وهذا الواقـع انخبـره
    بس راعـي العـقيده ايعيش حتى لو ﮔـضه عـمره
    يمد اسمه عـلى التاريخ وعلامه يترك ابـﮔبره
    شـــــواهـد يذكر التاريخ عـليها انسلط النضره
    مـــــــثل حسين وانصاره البطف وﮔـفت اتنصـره
    مـــــــن هالمنطلق هذا اردد واحـﭽـي هالفـكره
    عــــــن شيخ الرميثي بهاي نذر عمره لبو العـتره

    وﮔـضه اسنين العـمر وفـاي ... ولن شيخ الرميثي بهاي
    صوته ايردد بكل حين ... حي ما متت يا يا سين
    (2)
    يحسين بضمايرنه ﮔـلتها وبـﮔـت بالاذهان
    من صوتك هتف بيها عـله المنبر تـﮔـول اوذان
    هزيت الارض بيها وحفظتها الانس والجان
    لو بس هاي الك شاهد ما تتعــــــــــوض ابثمان
    الك مكتـوبه بالاعـمال وثـجيله بـﭽـفة الميزان
    يا بيت الخله منها هالغـنوه عــــــــله الازمان
    حفظها كل ﮔـلب طاهر ناده بيها كل الســان
    نشيد اصبحت للاحرار وشعـار اتردده الفرسـان
    ظـلت خالده واسمك وياهـا بقـه عـنـوان

    اي والله يبو طـه ... صرخـه وحسـك اصداها
    ايام وتجـرها سنين ... حي ما متت يا ياسين
    (3)
    ما مر واجـه عــــــاشور الا وذكرك اتكرر
    ﭽـن فارس ابميدانه من تـوﮔـف عـله المنبر
    وتردد بعـذب الالحـان قصايد تنثر ﭽـنهن در
    من خذ يا محمد هاك وهذي تربية حيدر
    وعـــــباس الامل انت صوتك بيها من كبر
    وعـن زينب يداحي الباب لـمن ﮔـفلت الخـدر
    عـالقاسم وعـن حسين وانصاره وعـلي الاكبر
    وغالي وشترينه حسين وبعد منهن شريد اذكر
    قصايد خالده بصوتك صارت تزهي ﭽـالمنضر
    من هاي القصايد صار خذت منها وحزت مفخر

    مثلك ما شفت رادود ... حاوي لهالفخر والزود
    ومن اذكر يمهر حسين ... حي ما متت يا ياسين
    (4)
    يا بحر الحنان اللي يفيض بعاطفه واحساس
    رقيق وطبعك انعرفه راضع من وفه العباس
    مشيت بدرب بيه الفوز درب الشرف والنوماس
    مشيت بهالدرب وانت والله تستحق للكاس
    ماشفنه القرين اللي لحد هالساعة بيه تنقاس
    وبهاي الكرامة اﮔـضيت البيها تفتخر عـالناس
    انكتب اسمك بسجل حسين اباجمل صفحه بالقرطاس

    ولهاي الكرامة احويت ... خادم انت لهل البيت
    وبيها فايز الدارين ... حي ما متت ياياسين
    ******
    تحياتي
    ضايج من الغربة
    شيعي آنه من الاصل ويـلوﮒ اسم العلي


    مفتون بمحبتك يا ابو المكارم علي


    خاواك وي النبي رب الجلالة العلي



    يالماسجدت لصنم طاهر نقي منبعك


    ويفيض غيرة وعلم جود وشرف منبعك


    ولو ملكونه الارض شرﮒ وغرب منبعك



    للموت يا ابا الحسن نهتف اباسمك علي

  2. #2

    عضو متميز
    الصورة الرمزية مناف الحسيني
    تاريخ التسجيل
    Aug 2006
    الدولة
    احــــــضان الـــغربه
    العمر
    37
    المشاركات
    1,581

    افتراضي


    حبيبي قاسم انت رائع ومبدع
    الله يرحم الرادود شيخ ياسين ويرحم خدمت الحسين
    ويحشرك معاهم بحق محمد وال محمد اللهم صل على محمد وال محمد
    وتقبل مروري مع الاحترام ...
    ولتواضع امام حروفك الملتهبه ابداع يتلو ابداع
    اخوك المخلص
    مناف























    ديوان
    نسيت انســـاك
    ..مـــن كثر مـا خضر ابراسي شيـب..
    ..خضرت بكَليبي شيبه وكَمت اركز بيه زيــن..
    ..هسه اريد اشلعهــــا من كَلبي الحزين..
    ..خايف أشلع حته كَلبي وتضحك عليه السنين..


المواضيع المتشابهه

  1. سلام على آل ياسين
    بواسطة جاسم الناصري في المنتدى منبر الثقلين [ كتاب الله والعترة الطاهرة عليهم السلام ]
    مشاركات: 0
    آخر مشاركة: 24-11-2008, 06:15 AM
  2. سلام على ال ياسين
    بواسطة سليم بن قيس الهلالي في المنتدى منبر الحوار العقائدي
    مشاركات: 17
    آخر مشاركة: 07-11-2007, 08:37 PM
  3. اختكم ام ياسين
    بواسطة ام ياسين في المنتدى منبر الاستراحة والتواصل
    مشاركات: 10
    آخر مشاركة: 07-09-2007, 10:10 AM
  4. مع نور آل ياسين
    بواسطة مجاهدة... في المنتدى منبر الثقلين [ كتاب الله والعترة الطاهرة عليهم السلام ]
    مشاركات: 7
    آخر مشاركة: 09-05-2002, 02:19 PM
  5. مع نور آل ياسين
    بواسطة مجاهدة... في المنتدى منبر السياسة والحوارات الفكرية
    مشاركات: 1
    آخر مشاركة: 02-05-2002, 08:19 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 01:54 AM
Powered by vBulletin® Version 4.2.0
Copyright © 2014 vBulletin Solutions, Inc. All rights reserved.